Ko aty guasu oñemotenondéta Cruce 1.500, ojeikévo Marina Kuépe ruta X "Las Residentas". Programa, oñepyrûta 09:00 aravo guive 10:30 aravo peve, umi gente oguatáta procesión upe tenda peve oiko haguépe enfrentamiento. Ko'ápe ceremonia ecuménica ha upéi karu guasu comunitario upéicha omohu'ãta hikuái mandu'a.
Oñe'êta mbo'ehára Gaspar Medina Velázquez, ha'e ningo Periodista Pablo Medina Velázquez ojekukava'ekue joyke'y, ha oporomomaiteíta Martina Paredes, ikyvy-kuri Fermín ha Luis Paredes. Oñeha'ãrõ monseñor Mario Melanio Medina ha Hugo Pereira, periodista oime upépe hendivekuéra libros.
Péicha Roberto Ortega, ha'e Luciano Ortega, ho'áva enfrentamiento jave, omoañete campesino oñemasakrava'ekue umi policía oikeva'ekue upépe.
Ko kuimba'e he'i ha'ekuéra ojuka voi ha upéi ojepói umi campesino ojuka hikuái ha ndohustifikái, he'i karai.
Imandu'a ita'ýra omano ohekávo peteî yvy pehêngue oiko haguã." Ñane retãme heta pokarê ha ndaipóri justicia he'i, imandu'ávo upe 15 de junio ary 2012 jave ha péva orekova'ekue trasfondo político. Ore ningo hndoroikuaái, nahesakãi pe oikova'ekue, jepénte he'i ore ndoroikuaáiha mba'eve, rorresisiti gueteri roikóvo”, ha omboty péicha iñe'ê ñembyasýpe.