Ko empresario Burzaco ochechuka mensaje omoguahêva'ekue chupe Juan Ángel Napout ojerurévo entrada Horacio Cartes ha karai fiscal general Díaz Verón-pe guarã Mundial 2014-rã. Omombe'u péicha opaga hague favor ñande ruvicha fuasu ha fiscal “oarregla” haguére peteî pleito judicial Paraguái-pe.
Burzaco hase kuehe pe audiencia aja, omombe'uhápe mavamávapa umi pirapire coima oipyhy va'ekue. Julio Grondona ndaje oipyhy US$ 15 millon Televisa, Globo ha TyC-gui. Ojekuaa rire osêva avei héra soborno-pe, Argentina-pe ojesuicida peteî abogado kirchnerista héva Jorge Alejandro Delhon, omba'apo va'ekue “Fútbol para Todos”-pe.