Peteî comisionado parlamentario ramo, ñane Constitucional-voi omeê chupe peteî misión: oñangarekova'erã umi derecho humano rehe, ombohapeva'erã tavaygua jerure, ha katu Páez Monges ra'e omalgasta 110 millon de dólar rasa ñeindemnisápe, hetave jey tapicha ndahe'éiva víctima de la dictadura ra'e (ko'ãva apytépe avei ojejuhu torturador-voi), ha ou ha oho ra'e tetã ambuére opa seminario'i oikohápe. Péva ohechayka moõpevépa ikatu oguahê pe degradación moral tekove oîva cargo público-pe tuichaiterei ramo pe codicia oguerekóva.
Congreso ha Contraloría ndohechái mba'evete ko stronismo intendente-kue ojapóva Defensoría del Pueblo-pe, araka'eve oipy'apy'ÿre chupe umi derecho humano. Ko'ã mba'e ohechávo, mayma kuña ha huimba'e tetãygua ndohejavéimava'erã bandido oiporu cargo público, ojerureva'erã ojepe'a pégui ha ojegueraha ka'irãima.