Tapicha funcionario okovráva viru omba'apo'ýre ho'a tembiapo vaípe, ha ikapu, Codigo Civil rupive, oho ka'i râipe mokoî ary peve. Pohânôhára IPS pegua, Perla Paredes, diputada colo'o Perla Acosta de Vázquez memby, ohó vaerâ kuri cárcel-pe, ha ohepyme'êrupi ojei upe condenada-gui. ära ohasáva jahecha ha jaikluaav oîha heta péichagua oñeme'êvape viru Estado rehegua ha nomba'apói. Jahecha ko'â mba'e oikoha opaichagua institución pública-pe. Jaikuaa ha jahecha oîha tapicha vividor IPS-pe, oñeme'ê hápe viru oñeñangareko haguâ ambue trabajador ha ifamilia kuéra rehe ha umi ojapo vaerâ péa ndohóinte omba'apo, térâ oho ha oheja tapicha kuéra hasýva ohe'arô chupekuéra hetaiterei aravo oimeháme rei, ndaipórigui hendagua upe tasyópe.
Oî avei umi "planillero", jaikuaáva avei mba'épa he'ise; umi oguerekóva sueldo ha ndohiva omba'apo, ogeuerkógui padrino político oipytyvôva chupekuéra.Koâ katu ningo sapy'ante jaikuaa ndaje ohoha upe tembiapo ojapo vaerâ hápe, ha upe jave oho ambue tetârehe ojepasea, térâ ojapo ambue mba'e.
Iporâma vaerâ opavave tapicha kuéra japáy ha ñamombe'u, jaha ñamuesakâ jaikuaáramo oîha tapicha ndohóiva omba'apo térâ ohóva ha ndojapói mba'eve. Péicha mante ñambopaháta sinvergûenza ha yryvúicha okarúva ñande rehe ñana retâme.