Cámara de Senadores ohesa'yjóta ko pyhareve tembiaporã proyecto de ley ohasámava'ekue Cámara de Diputados rupi, omoîva IVA umi servicio de crédito ome'êva umi cooperativa rehe, ha avei omoîva sistema D’Hondt ojeporuva'erãha ojeporavo haguã umi cooperativa saimbyhyhakuéra.
Tekotevête oñemoneî ko'ã mba'e: pe IVA, opavave tetãygua peteîchagua paite rehe; ha sistema D’Hont rupive katu oñemoneîta he'íva ñane Constitución saimbyhyhakuéra heta jeporavo rehe.
Pe impuesto ñehepyme'ê ñanembojojapaite, ha pépe naiporãi avave oguereko privilegio; ha péicha mante ikatúta avei ohupity formalización ñane economía-pe.
Cooperativa-kuéra akóinte ndopagamo'ãi umi impuesto constitución, reconocimiento ha registro rehegua; ndopagamo'ãi pe impuesto umi acto ha documento socio-kuéra omomgu'éva cooperativa-pe; ha avei impuesto a la renta pirapire hembýva rehe, ha arancel aduana-pegua ojogua ramo tetã ambuégui mba'e imba'érã.
Ko'ã privilegio ohupitýma oñemomba'e haguã ojeruréva Constitución Nacional, oñemombareteva'erãha cooperativa-kuéra, mba'e tekotevêva oñakãrapu'ã haguã ñane retã. Ha pévare umi cooperativa rembiapo hesakã ha ipotîva'erã.