5. Ijepyso rupi: umi tero ogueromandu’áva peteĩ tero térã avei umi ojueheguáva.
5. Por su extensión: son sustantivos que hacen referencia a un nombre determinado o de una misma especie.
5.1 Terotee/teratee. Ha’e umi téra teete oñeme’ẽva peteĩteĩ ava, mymba, tenda ha ambue mba’épe, ha heratee rupi ojoavýva ambuévagui. Ojehai ñepyrũva’erã tai guasúpe.
Tembiecharã:
Jeruti (téra).
Kalo (téra).
Vera (terajoapy)
Paraguay (táva).
Píngi (jagua).
Parana (ysyry)
Perõ (yvyty)
5.1 Sustantivos propios. Son las denominaciones que se les da en forma particular a una persona, animal, lugar, entre otros, y por medio de sus nombres propios se diferencian de los demás. Se escriben con letra inicial mayúscula.
Ejemplos:
Jeruti (nombre de persona).
Kalo (nombre de persona).
Vera (apellido de persona).
Paraguay (nombre de ciudad).
Píngi (nombre de perro).
Paraná (nombre de río).
Perõ: (nombre de cerro).
5.2 Terotee’ỹva/teratee’ỹva. Ha’e umi téra oñeme’ẽva maymáva yvypóra, mymba, tenda, ka’avo ha ambue mba’e aty ojojoguáva térã ojueheguáva.
Tembiecharã: kuarahy, arai, yvoty, ysyry, yvyty, yvy, tata, mbaraka, japepo, yvyra.
5.2 Sustantivos comunes. Son aquellos que designan en forma general a las personas, animales, lugares, plantas, entre otros conjuntos que comparten ciertas características o categorías.
Ejemplos: kuarahy (sol), arai (nube), yvoty (flor), ysyry (río), yvyty (cerro), yvy (tierra), tata (fuego), mbaraka (guitarra), japepo (olla), yvyra (árbol).
Fuentes: - Guarani Ñe’ẽ Rerekuapavẽ (GÑR). (2018). Academia de la Lengua Guaraní. (ALG). Guarani Ñe’ẽtekuaa. Asunción, Paraguay.
- Guarani Ñe’ẽ Rerekuapavẽ (GÑR). (2022). Academia de la Lengua Guaraní. (ALG). El Diccionario de la Lengua Guaraní del Paraguay. Asunción, Paraguay.
- Gamarra, Paulina C. (2022). Guarani maymávepe g̃uarã. Guaraní para todos. Diario ABC Color. Asunción, Paraguay.