Cargando...
I. Emohenda hekopete ko’ã haipyvo.
____ Upépe, pe y itangecha py’aguapýpe ovevyihína imborayhu Jasy Rata rova porã ykére. Pe kuñataĩ nomoherãi. Oñemombo ijerovia reheve oĩ hag̃ua ikerayvoty jára ndive. Pe hembipota asy omohesatũva chupe ha oimo’ã pe ohecháva ýpe oiko añetehápe. Ha hete imitãkuñáva okañy pe y hakuvy asývape.
____ Umi guarani ohenói ko yvoty ojeikuaa’ỹvape Yrupe, he’iséva “ña’ẽmbe ogueraháva y” ha oikuaa hikuái Tupã, itupã, oiporiahuverekóvo Jasy Rata mborayhu ombotarováva chupe, ha omoambue chupe ka’avo jasy ysajáicha, ha ñavõ pyhare omboty ijyvotyrape ijai rehe, oipe’a jey hag̃ua Jasy ojekuaa vove arapahápe.
____ Ambue árape, ypa pukukue oñemonde ka’avo herunguãvagui, hogue hovy ijapu’áva ha peteĩ yvoty iporãitereíva, morotĩ ha omimbipáva, mbytégui osẽ inimbo tuguy pytãva ha’ete pe tuguy osyryva’ekue Jasy Rata py rasýgui.
____ Ha péicha ojevy Jasy Rata, ipy rasy reve umi tape ijitaku’íva oikutúva chupe ha oñandu peteĩ ñembyasy opa’ỹva omyanyhẽva hi’ánga. Og̃uahẽvo pe ypápe, omoinge ipy rasy ombohasa’imi hag̃ua pe mba’asy ha ovy’aiterei ojuhúvo oikohaguére peteĩ Tupã rembiapo.
Adaptado y traducido por Paulina Concepción Gamarra Vera.
II. Emoñe’ẽ ñe’ẽndy.
1. Ojeikuaa’ỹva: extraño.
2. Ña’ẽmbe: plato.
3. Poriahuvereko: compasión.
4. Ka’avo: planta.
5. Arapaha: horizonte.
III. Embopapapy ñe’ẽ he’iséva ndive.
